O Premios Incorpora recoñecen o compromiso social de Clece na Rioxa
Logroño, 22 de xaneiro de 2016. Clece recibiu o Premio Incorpora de La Caixa na categoría de «Gran Empresa» na Rioxa. Estes premios, con convocatorias específicas para cada comunidade autónoma, recoñecen empresas e organizacións que apostan pola integración laboral de colectivos vulnerables.
O conselleiro de Políticas Sociais, Familia, Igualdade e Xustiza do Goberno da Rioxa, Conrado Escobar; a concelleira de Familia e Igualdade de Oportunidades do Concello de Logroño, Paloma Corres; a directora da Área de Negocio de CaixaBank en Logroño, Isabel Moreno, e o director do Departamento de Integración Sociolaboral da Fundación Bancaria La Caixa, Jaume Farré, fixeron entrega dos galardóns nun acto celebrado no Espacio Lagares.
Clece colaborou co Programa Incorpora dende o seu inicio na Rioxa, o que supuxo un total de 45 contratacións, 34 a través do centro especial de emprego Integra CEE e 11 a través de Clece. Estas contratacións contribuíron a que, do cadro de persoal actual de 608 traballadores na Rioxa, un total de 100 sexan persoas con especiais dificultades de inserción laboral, como persoas con discapacidade, vítimas de violencia sexista, persoas en exclusión ou mozos desempregados.
«En Clece cremos que as empresas somos as principais beneficiarias de contar con traballadores de colectivos vulnerables. Son portadores de valores moi importantes, como a superación e o esforzo, e traballar con eles é sempre motivador e gratificante. A súa presenza é sinónimo de contornas laborais máis colaborativas e solidarias», manifestou José Andrés Elizaga, director de comunicación e relacións externas de Clece.
Xunto con Clece, as outras entidades galardoadas nesta edición foron Globalhost, Trabajo Social y Servicios La Rioja (Tsys), pastelaría La Palmera e Noticias de La Rioja.