Finaliza a VI promoción do Programa Superior de Desenvolvemento
Parabéns aos 57 xefes e xefas de servizo que estiveron máis dun ano estudando, conectados online, resolvendo casos prácticos e asistindo ás sesións presenciais como integrantes da VI promoción do Programa Superior de Desenvolvemento (PSD) e que, recentemente, finalizaron con moi bos resultados.
Á parte de expresar a súa alegría por conseguir chegar á meta final do PSD, os participantes comentaron que este programa supuxo unha experiencia moi satisfactoria, moi próxima á realidade que teñen que afrontar no seu traballo diario. En especial, destacaron a aprendizaxe práctica obtida nos módulos económico-financeiros, de relacións laborais e de habilidades directivas.
O acto de clausura do Programa Superior de Desenvolvemento estivo presidido por Javier Román Hernando, director xeral, e Purificación González, directora de Recursos Humanos, que felicitaron un a un todos os participantes, entregándolles ademais un recoñecemento polo esforzo realizado na consecución deste programa de formación. Tamén houbo un momento especial para recoñecer as persoas que obtiveran os mellores resultados en cada unha das especialidades: Limpeza, Mantemento e Xenérico.
O PSD é unha formación troncal para o xefe de servizo, deseñada para coñecer as mellores prácticas e procedementos de todas as áreas involucradas na xestión dun servizo. A finalización deste programa ofrece a oportunidade de incorporarse á Escola de Competencias, seguinte paso para quen queira seguir perfeccionando as súas habilidades profesionais máis aló dos programas técnicos e especializados que ofrece o Plan de Formación de Clece.
