Clece-k bultzada eman dio Andaluziako Arreta Soziosanitarioko 5.000 langileren gaitasun profesionalen akreditazioari
- Elkarlanerako hitzarmen hori da Andaluziako enpresa batek esperientzia profesionala aitortzeko sinatu duen lehena
- Akordio berriari esker, akreditatu ahal izango dira Clece-ren Etxeko Laguntza Zerbitzuko langileen gaitasunak
Madril, 2015eko maiatza – Clece-k, multizerbitzuetan liderra den enpresak, elkarlan-hitzarmena sinatu du Andaluziako Juntaren Hezkuntza, Kultura eta Kirol Sailarekin eta Langile Komisioen Konfederazio Sindikalarekin, pertsonentzako etxeko Arreta Soziosanitarioaren Profesionaltasun Ziurtagiria akreditatzeko. Hala, Clece bilakatu da bere langileen prestakuntzarako hitzarmen propioa duen Andaluziako lehen enpresa.
Akordio horri esker, 5.000 plaza iragarriko dira lanbide-akreditazioak alor horretan zertifikatzeko, Andaluzian Mendekotasunaren sektoreko langileentzat. Horrela, konpainiak bere enplegatuen zertifikazio profesionala bultzatuko du, taldearen ongizatea sustatzeko eta sektore horretan legeak aginduta sortzen ari diren beharrizan berrietara egokitzeko.
Ildo horretan, hitzarmen berriak bermatzen du bete egingo dela Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikulua, zeinak arautzen baititu lanbide-kualifikazioen aitortza, ebaluazioa, akreditazioa eta erregistroa, eta zeinari jarraiki Etxeko Laguntza Zerbitzuko (ELZ) Laguntzaile guztiek akreditatu behar baitituzte beren gaitasun profesionalak. Akreditazio hori lortuko da lan-esperientziaren edo hezkuntza ez-formalaren bidez eskuratutako gaitasun profesionalekin. Horretarako, hiru etapako sistema bat ezarri da: parte-hartzaileek gainditutako gaitasun-unitateen aholkularitza, ebaluazioa eta erregistroa.
Hitzarmen horren helburuak betetzeko, Clece-k diru- eta giza-inbestimendu handia egingo du, eta aholkulari adituak jarriko ditu ELZko Laguntzaileen esku. Adituok erraztuko dute, ahal den neurrian, pertsonentzako Etxeko Arreta Soziosanitarioaren Profesionaltasun Ziurtagiria lortu ahal izatea.
Akordio hori aurrerapen handia da Etxeko Laguntza Zerbitzuko Laguntzaile guztientzat, zeren talde horretako askok oraindik ez dute zertifikaziorik. «Hitzarmen hau sinatzeak Clece-ren konpromisoa erakusten du, ez soilik pertsonak zaintzeari dagokionez, baita bere langileentzat onena lortzeko ardurari dagokionez ere.