OS II PREMIOS DA REVISTA ESCUELA INFANTIL RECOÑECEN O PROXECTO EDUCATIVO DE CLECE
- Clece recibiu catro premios e unha mención especial entre os 20 recoñecementos concedidos pola publicación educativa.
- Con premios en catro das cinco categorías: tres na subcategoría de 0 a 3 anos e un na subcategoría de necesidades educativas especiais.
A revista profesional Escuela Infantil, do grupo editorial Siena, recoñeceu o proxecto educativo de Clece no ámbito das escolas infantís coa entrega de catro galardóns e unha mención especial na segunda edición do Premio Escuela Infantil.
As escolas infantís xestionadas por Clece conseguiron 19 proxectos finalistas e cinco gañadores, e resultou premiada en catro das cinco categorías temáticas: lectoescritura, alimentación saudable, psicomotricidade, extraescolares e medio natural, subdivididas en 0-3 (primeiro ciclo de educación infantil), 3-6 (segundo ciclo) e necesidades educativas especiais. En concreto, os galardóns recaeron nos seguintes equipos educativos:
Escola Infantil Los Palitos de San Juan del Puerto (Huelva). Premio a Rocío Mazo, Mercedes de la Cinta Rodríguez, Joana Rodríguez e Carmen Toscano na categoría de lectoescritura, na aula 0-3, polo proxecto «Menudos Poetas».
Escola Infantil Los Duendecillos de Pulpí (Almería). Premio a Mercedes Losilla García na categoría de alimentación saudable, na aula 0-3, polo traballo «Nos divertimos desayunando sano».
Escola Infantil Mon Petit de Cavall de Cartró, en Abrera (Barcelona). Premio a Paula Morales e Victoria Sánchez na categoría de extraescolares, na aula 0-3, polo proxecto «Campanitas».
Escola Municipal Sagrada Familia de Cavall de Cartró, en Caldes d’Estrac (Barcelona). Premio a Remei Monge e Montse Humanes na categoría de necesidades educativas especiais, pola proposta «Conociendo los gusanos de seda».
Escola Infantil Sanipeques de Granadilla de Abona (Tenerife). Mención especial a todo o equipo por profundar no desenvolvemento psicomotor do neno, indo máis aló da motricidade, a coordinación e as habilidades básicas para fortalecer outras áreas (lingüísticas, emocionais, creativas e preceptivas) co seu proxecto «Sanipeques Pirata».
A entrega dos premios tivo lugar o 23 de febreiro na sede da Universidade para Maiores da Fundación Universitaria San Pablo CEU de Madrid. Foron un total de 20 os equipos educativos premiados en representación de escolas e centros procedentes de diferentes puntos da xeografía española e houbo cinco mencións especiais.
Todas as experiencias finalistas publicaranse na revista Escuela Infantil. Os gañadores de cada categoría, ademais do diploma, recibiron cheques agasallo correspondentes aos patrocinadores de cada categoría e poderán gozar dun ano gratis de subscrición á revista.
Galería II Premios Revista Escuela Infantil
