Premio Extraordinario ao Compromiso Social no 15.º aniversario de La Razón en Castela e León
O xornal La Razón celebrou o pasado 29 de setembro en Valladolid o 15.º aniversario da súa edición en Castela e León. No acto levou a cabo a entrega dos Premios ao Compromiso Social, cos que recoñece o traballo e a solidariedade de persoas e iniciativas a favor da sociedade civil.
A entrega destes galardóns tivo lugar o 29 de setembro, ás 20.00 horas, no Museo Patio Herreriano de Valladolid, coincidindo coa celebración do 15.º aniversario de La Razón en Castela e León.
Clece recolleu en mans do seu presidente, Cristóbal Valderas, o Premio Extraordinario ao Compromiso Social pola súa implicación na integración laboral de persoas procedentes de colectivos desfavorecidos. Nos últimos tres anos, Clece incorporou na Comunidade de Castela e León máis dun milleiro de persoas procedentes destes colectivos en postos de traballo da propia compañía. Ademais, ao longo deste ano asinou varios convenios de colaboración cos concellos de Valladolid, Medina del Campo e Miranda de Ebro, dando así continuidade a este labor que, alén de promover a integración laboral, facilita prácticas formativas, difunde campañas e mensaxes de sensibilización social e leva a cabo eventos especialmente dirixidos a facilitar a integración e estabilidade laboral de persoas con discapacidade, vítimas de violencia de xénero, persoas en situación de risco de exclusión social e xente nova en situación de desemprego.
Neste sentido, celebrouse o pasado mes de maio en Valladolid o IV Foro Clece pola Integración, baixo a lema «Empregando o talento», que abordou a integración laboral de colectivos socialmente vulnerables. Por estes motivos, entre outros, considerouse a Clece merecedora do Premio Extraordinario ao Compromiso Social coa Comunidade de Castela e León.
No acto estiveron presentes o alcalde de Valladolid, a delegada do Goberno de Castela e León e o presidente da Xunta de Castela e León, entre outros importantes representantes do mundo político, económico, social e cultural.
XV Aniversario La Razón en Castilla y León
