CLECE-K ETA NDAVANT-EK BARTZELONAKO UDALAREN 'LÀBORA' BEREIZGARRIA JASO DUTE
Joan den maiatzaren 15ean, NDAVANT Multiserveis eta Clece enpresek ‘Làbora’ zigilua jaso dute euren jardunbide sozialki arduratsuaren aitormen gisa, herritarren artean aukera-berdintasuna sustatzeagatik eta hiri inklusiboagoa bultzatzeagatik.
Bi enpresok hasiera-hasieratik hartu dute parte programan. Bartzelonako Udalak sustatzen du zigilua, Gizarte Zerbitzuen Udal Institutuaren bidez, eta Laia Ortiz, hirugarren alkateordea eta Gizarte Zerbitzuen zuzendaria bera, arduratu da bereizgarriak banatzeaz, ia 100 enpresa eta entitate bildu dituen ekitaldi instituzional batean. Gainera, Hirugarren Sektoreko hainbat elkarteren sostengua du programak, hala nola: Gurutze Gorria, Entitats Catalanes d’Acció Social (ECAS) eta Federació d’Empreses d’Inserció de Catalunya (FEICAT).
Programa horren bidez, lan-merkatuan sartzeko zailtasun bereziak dituzten pertsonen laneratzea sustatu nahi da, ardura sozialeko proiektu batekin lotuz enpresa. Aldi berean, kolektibo kalteberak gizarteratzeko lanean diharduen hiri-proiektu batean parte hartzea ahalbidetzen da. Gizarte Eskubideen alkateorde Laia Ortizek adierazi duenez: “Lan-intserziorako eredu propioa kontsolidatzen ari gara, entitateekin batera egina eta bazterketa soziala arrisku duten pertsonei zuzendua, enpresekin lankidetzan”.