Clece-ren proiektu sozialak “Menina Saria 2017” jaso du Valentziako Erkidegoan
Clece-ren proiektu sozialak “Menina Saria 2017” jaso du Valentziako Erkidegoan, genero-indarkeriaren kontrako borrokan egindako ekarpenagatik. Gobernuaren Valentziako ordezkari Juan Carlos Moraguesek saria eskuratu dio Miguel Ángel Segoviari, Clece-k Valentziako Erkidegoan duen eskualde-zuzendariari, bai eta hirugarren edizio honetan saritutako gainerakoei ere.
Gobernuaren Ordezkaritzak Eskualdean nabarmentzen diren erakunde, elkarte edo proiektuei ematen dizkie sariok, gizarte igualitarioagoa eta biolentziarik gabea lortze aldera egindako ekarpenengatik. «Gure konpromisoari egindako ezagutza da, gizartea izurri horren aurka kontzientziatzeko eta emakumeon lan-integrazioa sustatzeko konpromisoari, alegia. Enplegua da tresnarik onena genero-indarkeriatik irteteko, balioa eta independentzia ekonomikoa ekartzen dituelako, eta gaitasuna ematen, nahi denaren alde borrokan jarraitzeko, helburuak izateko, buruestimua hobetzeko, ez etsitzeko eta aurrera egiteko», adierazi du Miguel Ángel Segoviak.
Valentziako Erkidegoko hiru probintzietan genero-indarkeriaren kontrako borrokan diharduten zenbait adituk osatu dute sarien epaimahaia. Clece-ren proiektu sozialarekin batera, hauek ere saritu dituzte: Alacanteko Unibertsitateko Informatika Ingeniaritzako ikasleak, Alacanteko Guardia Zibilaren Polizia Judizialeko kapitaina, Alba Garrido; Irene Adelantado letradua, Castellóko Delituaren Biktimen Bulegoko koordinatzailea; eta UFAMeko burua, Polizia Nazionaleko inspektore Pilar Bojó.