Valentziako Ospitale Orokorrak neurri berriak bultzatu ditu genero-indarkeriaren kontra

Valentziako Ospitale Orokorrak neurri berriak bultzatu ditu genero-indarkeriaren kontra

· Genero Indarkeriaren Detekzioari Aplikatutako Ikerkuntzaren I. Saria iragarri da

Valentziako Unibertsitate Ospitale Orokorrak eta Clece-k jardunaldi bat antolatu dute sentsibilizazioa eta gizarte-ekintza sustatzeko, osasun-zerbitzuen esparruan genero-indarkeriako kasuen detekzioa hobetzen lagundu beharrez, esku-hartze eraginkorragoa ahalbidetzen duten jardun-protokoloen bidez.

María Ángels García Vidal Kontseilaritzako Justizia zuzendari nagusiak inauguratu du jardunaldia. Azpimarratu duenez, “2015 osoan, genero-indarkeriako 162 kasu detektatu ziren guztira Osasun Sailean-Valentzia Ospitale Orokorrean; 2016ko lehen hilabeteetan, berriz, ospitaleak eta haren osasun-zentroek dagoeneko erregistratu dituzte, denetara, genero-indarkeriak eragindako 195 txosten, Osasun Publikoaren zuzendaritza nagusiaren datuen arabera”.

Jardunaldian, zeinera 200 pertsona baino gehiago bildu diren, mahai-inguru bat izan da, izen honetakoa: “Genero-indarkeriaren gaineko sentsibilizazioa osasun-eremutik abiatuta”. Bertan, nabarmendu da beharrezkoa dela kontsultetan beretan normalizatu eta sistematizatzea emakumeek paira ditzaketen tratu txarren gaineko galderak, zeren hala lortuko baita osasun-eremuak izan ditzala problema errotik kentzeko espazio eraginkorrak.

Mahaiaren moderatzaile Amparo Esteban aritu da, Departamentuko Lehen Arretako zuzendaria bera, eta gai horretako zenbait espezialistak hartu dute parte. Alicia Bayarrik, Valentziako Abokatuen Elkargoko Familia Indarkeria ataleko buruak, “lotsaren zifrak” aurkeztu ditu –azken urteotako estatistikak erakustean esan duenez–, eta azaldu du zer-nolako lana egiten den biktimentzako arretan espezializatutako epaitegietan.

Gazteria, Kirolak eta Berdintasuna arloko diputatu Isabel Garcíak aurkeztu du Diputazioak gai honen inguruan egindako lana. Mª Ángeles Celadak, Departamentuko Lehen Arretako gizarte-langileak, esplikatu du nola erabiltzen den SIVIO protokoloa, osasun-profesionalentzakoa, eta azpimarra jarri du gizarte-langileen eginkizunean, haien bitartez eskura baititzakete emakumeek baliabide juridiko eta sozialak. Izan ere, sostengu psikologikoa eta udal-baliabideen gaineko informazioa funtsezkoak dira horrelako kasuetan.

Bere aldetik, Eva Planells-ek, Clece-k Valentzian duen Emakumeak Babesteko Zentroko zuzendariak, ezagutzera eman du eskuartean duten programa bat, zeina elkarlanean ari diren garatzen Berdintasuna eta Politika Inklusiboak arloko Kontseilaritzarekin. Programak hainbat baliabide erabiltzen ditu, bai eta harrera-etxeak, tutoretzapeko etxebizitzak eta enplegua lortzeko laguntza-programak ere.

Osasun Publikoaren Zuzendaritza Nagusiko genero-indarkeriako kasuetarako laguntza-espezialista den Ángela Escribanok nabarmendu ditu Osasungintza Unibertsala eta Osasun Publikoa arloko Kontseilaritzak ezarritako neurriak, zeinen bidez hobetuko dituzten izurri sozial hori desagerraraztera bideratutako detekzio-protokoloak eta ekintzak.

Genero-indarkeriaren detekzioari aplikatutako ikerkuntzaren saria

Jardunaldiaren amaiera-ekitaldian, halaber, beste lankidetza-akordio bat eman da ezagutzera, Valentziako Unibertsitate Ospitale Orokorraren Ikerkuntza Fundazioak eta Clece-k hitzartutakoa. Horren bidez iragarri da Genero Indarkeriaren Detekzioari Aplikatutako Ikerkuntzaren I. Saria

Clece-ko Giza Baliabideen zuzendari Purificación Gonzálezek ezagutarazi du bere enpresak sari hori sustengatzeko hartu duen konpromisoa. Saria, 3.000 eurokoa, eraginkortasun handiagoa lortzera bideratuko da, bai genero-indarkeriako kasuak, bai horiekin lotutako osasun-arazoak detektatzeari begira. Azaroaren 16tik abenduaren 30era dago irekita sarirako eskabideak aurkezteko epea, eta horren gaineko argibideak fundazioaren webgunean kontsultatu ahal izango dira.

jornada-sensibilizacion-hospital-general-valencia-clece-premio-investigacion

jornada-sensibilizacion-hospital-general-valencia-clece-premio-investigacion2